【反送中】呼籲港人登記做選民　莊偉忠：忍唔到賣港人型動物

「反送中」示威6月12日引發本港有史以來最嚴重的警民衝突，一田百貨前CEO莊偉忠昨日在其個人社交網站facebook發帖，批評香港政府一意孤行，傲慢專橫，漠視民意，呼籲香港人登記做選民。

莊偉忠在帖文中直斥，香港政府「一意孤行，傲慢專橫，漠視民意，一副睬你都儍嘅嘴臉」；同時指摘建制派裏應外合，支持「逃犯條例」修訂，「與民為敵，毫無自由意志」。直言，

畀人搓圓撳扁好耐，今舖忍屎忍尿，都忍唔到呢啲出賣香港利益嘅人型動物。

他呼籲香港人登記做選民，眾志成城，vote them down，

我希望今年7月2日生日，收到你哋通知，登記做選民，尤其係18 - 25歲嘅年輕人同埋討厭政治嘅中年人。

莊偉忠認為，團結方可做大事，並引用俗語，「一枝竹仔易折彎，幾枝竹一扎斷折難」，有人擅長打前鋒，有人鍾意打後衞，或者搖旗吶喊斟茶遞水，鼓勵香港人各司其職，互補長短，

雖然唔知道係咪有志者事竟成，但無志者，做鬼都唔靈。

帖文一出引起網民熱議，有網民稱，會立即行動登記做選民、「即刻登記盡做」、「偶像,如果香港人都仲想有批評嘅自由，就應該聽話先做選民vote them down 啦！「好多有利嘅人，為求自保，都不表態。好似莊先生咁，既有情懷亦俱勇氣實屬難得，佩服。」